|
片段8：
敏：我斟杯水比你。點解你出院都唔通知傅小姐？
文：我特登唔話比佢知嘅。
敏：點解呀？
文：咁佢又唔係我太太。你仲唔高興呀？去旅行，唔係事先約定架，佢知道我要去係都要跟住我之嘛！
敏：唔使解釋啦，我不嬲都知你對佢好似妹咁。
文：你明白就最好啦，怕你誤會咋。去咗咁耐，我將我哋嘅事由頭到尾諗得好清楚。早一排，因為阿媽嘅死，我心好煩，所以我哋大家先至有咁多磨擦。我而家先明白你點解話夫妻之間係應該大家忍讓，互相諒解，你搬番嚟住呀，我哋可以重新開始過。
敏：傅小姐喺我面前對你點親熱點關懷，你睇到你唔理。就算我信你哋兩個無嘢，但我個心點都唔舒服。我唔係呷醋，唔係算舊帳，不過我屈喺個心入面唔舒服，我要話比你聽。最近發生好多事，我同你嘅唔開心啦、阿婷嘅死、阿爸阿媽嘅傷心，我番到屋企仲要笑住嚟氹佢哋，我唔傷心咩？
文：你比我幫你呀。
敏：你心煩嘅時候比唔比我幫你？你唔開心就可以去第二度，我呢？我只有匿埋喺度喊…又加上我對你阿媽死嘅內疚，你仲對我唔瞅唔睬，我幾咁難受呀，你有無諗過我。係，兩夫妻除咗忍讓，仲要互相原諒，但係當我最需要你喺我身邊果陣時，你就去咗旅行，你自私。
文：我係唔啱，你比次機會我呀，我會盡力為我哋嘅將來而……
敏：我都好需要冷靜！ | 
只願一生愛一人，因你是獨有http://blog.sina.com.cn/catherinayim
發表於 2006-4-1 23:16
樓主
發表於 2006-4-3 21:48
