|
片段7：
在酒吧內：
敏：你唔好咁勞氣啦，屈sir 咁樣話你，都係想你好咋。你出吓聲啦，喂，你點解唔理我啫？唉，站在朋友立場，我已經盡晒力啦，你聽吓我勸好唔好呀？
華：你放心，我知道自己做緊乜嘢。自從阿婷死咗之後，根本唔再相信有希望呢回事。
敏：你唔好咁啦，我同你講咗幾多次呀，果個都係我阿妹嚟，你估我唔難過嘅咩？
華：但係最低限度你仲有你阿爸你阿媽，同埋你老公，而我就乜都無晒！
敏：係，有時好多嘢，有就等於無，我情願無發生過。
華：點解呢個世界可以有咁多唔開心嘅嘢發生喺我身上？
敏：華呀，你聽我講啦，開心又好，唔開心又好，D日子都要過嫁，放開D啦！
~~~~~~~~~~~~~~~~~~~~~~~~~~~~
在敏家中：
敏：阿爸…阿爸，燒乳鴿，你最鍾意食嫁！
母：阿敏，你番嚟啦。
敏：媽，你煮飯呀，你睇吓我加料呀，我同你煮飯呀！
母：唔使啦，你同阿爸都咁細食嘅，煮三個人飯餸容乜易呀！
父：唉，又想起阿婷做乜呀，人都唔喺度啦！
母：人唔喺度我唔可以想起嘅咩，佢始終都係我個女嚟呀嘛！
敏：阿媽呀，我夠係你個女囉，阿爸呵！我陪你哋咪一樣，係咪呀阿爸？
父：你嫁咗出去啦，唔通下半世會番返嚟住咩？
母：下半世番嚟住咪番嚟住囉，好出奇咩！博文個衰仔到而家都唔接佢番去，我話唔接仲好呀，有佢喺度陪吓我哋。
敏：陪！我實陪你呀阿媽，我陪你過世都得，我喺呢度大嘅嘛，係咪？阿爸呵？係咪呀？好嗎？開心D啦。阿媽我同你煮飯，阿爸，馬經呀，你好幾日無睇啦，坐喺度比心機慢慢刨呀，我哋去煮飯！
母：其實唔使你幫嫁啦，阿敏，你換件衫出嚟食飯仲好啦！
敏：得啦，你唔好咁囉唆啦，今晚有乜嘢餸呀？
母：炒菜囉！
母：阿敏，聽電話呀！
敏：唔該阿媽！
母：唔使。
敏：喂！ | 
只願一生愛一人，因你是獨有http://blog.sina.com.cn/catherinayim
發表於 2006-3-29 18:12
發表於 2006-3-29 20:01
还有,你怎么不放同一贴里
樓主
