|
片斷3：
文：有乜嘢你就講啦，我D律師費、談話費好貴！點呀，係咪想同我道歉，話自己錯？喺你哋D警察眼裡面，所有律師通通都係奸嘅，只有你哋先至喺度維持緊社會正義！
敏：你敢話你哋D律師無為咗錢而打官司？無為咗錢而違背良心去幫D犯法嘅人打官司？
文：咁你敢話你吔警務人員無貪污？無同D黑社會同流合污？無D不良份子囉喎？
敏：我無話你係！
文：我亦都無話你係！
敏：你做咗咁耐律師，亦打過咁多場官司，你可以肯定你無出過錯咩？
文：唔通你又無捉錯過人咩？嗰件案，根本牽涉私人感情在內，只係你嘅主觀話比你聽，盲彪係凶手啫。唔通你警方嘅人就可以憑直覺去捉人咩？
敏：我今日嚟就係想同你講吓呢件案...
文：嗰件案已經完結，告一段落，表面証供不足，不能入罪，已經完啦！你哋要為朋友報仇，你哋要捉凶手，我唔反對，好贊成添，不過希望你搵夠證據先至入稟法庭，唔好感情用事。
敏：我哋已經搵到凶手...
文：係你哋以為係凶手啫！
敏：我係嚟話比你聽，我已經搵到個凶手呀...
文：搵到凶手就同法官講，令陪審團相信你所講嘅說話，唔好嚟同我講！
敏：你好囉喎！你係咪要我講我錯呀...
文：你無錯！你有你嘅職責，不過希望你明白我亦都有我嘅職責啫。
敏：我要嚟同你講，我已經搵到個真凶啦，佢已經認咗罪...你啱，盲彪的確唔係凶手！
文：哦，咁即係你錯啦！
敏、文：我打過電話比你...你“的”我上差館...我出律師樓搵你...公報私仇，然後出手打我...喺法庭等你...仲“質”我食蛋糕...無非都係想同你道歉...而家你話比我聽你錯！
敏：你係咪要我用蛋糕掟乎自己你先至滿意呀？
文：係！
敏：滿意未呀？
敏：唔好跟住我呀！
文：我覺得你個人都幾有義氣！
敏：我覺得你一D趣都無！
文：你一直都以為我哋律師對你哋警察有成見，其實呢D係你偏見！
敏：我無偏見！
文：我爸爸以前係警察嚟，佢係殉職死嘅。我點會對你哋警察有偏見？
敏：你阿爸又係警察？
| 
只願一生愛一人，因你是獨有http://blog.sina.com.cn/catherinayim
發表於 2006-2-20 15:18
樓主
