《法網柔情》片斷1、2、3 的文字版

waiwai

是從廣東話直譯出來的

片斷1：

敏：根據驗屍官嘅報告呢，死者係啱啱被發現即時死亡，症狀係比人箍死。

控方律師：咁疑凶而家係法庭上面呢，你可唔可以指出嚟？

敏指出疑凶。

控方律師：唔該。法官大人，控方無嘢問。

法官：辯方律師，開始盤問証人。

文：舒督察，請問你當咗差幾耐？

敏：三年幾啦。

文：三年幾……可唔可以肯定D講？

敏：三年零四、五個月。

文：咁係四個月呀，抑或係五個月？

敏開始對文的提問感不滿，而文轉身面向敏。

文：似乎你記性唔好，以你咁嘅記性，好可能喺現場，“吼”住監視疑犯幾你都唔記得架啦？

敏：記得，三日！

文：三日，三日係指三日三夜呀，抑或係三個日頭？可唔可以清楚D講？

敏：三日三夜！

文：咁你即係一日廿四小時，喺三日裡面，你不停咁監視住疑犯，咁即係話警方用左咁多時間同咁多人力嚟做呢件案，係表示你哋特別重視呢件案呀，抑或係同一個時間裡面，你哋警方無其他嘢做呢？

控方律師：法官大人，我反對，我反對辯方律師問埋一D與本案無直接關係嘅問題。

法官：反對有效！

控方律師：多謝法官大人。

文：舒督察，你可唔可以話比我知，喺你監視個環境裡面，有幾多個出口呢？

敏：一個！

文：你肯定得一個出口？

敏：係！

文：咁你可唔可以肯定咁話比我知，喺你執行任務果陣時候，你每一秒鐘都望住個出口呢？

敏有點遲疑。

文：你唔敢答我，咁即係話，你唔係所有時間都望住個出口啦！

敏：雖然我視線間中都有離開果度，但係我亦有同事睇住！

文：你點知當時你同事亦係望住個門口？係咪你望住佢哋？

敏略為思考後回答：係！

文：咁即係話你唔係經常望住個門口啦！

文：舒督察，你可唔可以話比我知，係你監視嘅七十二小時裡面，一共有幾多人係果笪地方出入過呢？

敏沒有回答，文繼續追問：你唔可以話比我知，係咪即係表示話你哋根本唔知有乜嘢人係度出入過呢？

控方律師：我反對，法官大人，我反對辯方律師作埋呢D假設性問題！

法官：反對無效，辯方律師可以繼續盤問。

文：舒督察，你仲未曾答我問題！

敏：我哋對於所有係果度出入嘅人都好留意，只不過無作出一個數字嘅統計啫。

文：你頭先話，一連三日，七十二小時裡面都不停咁監視現場，雖然每一個人嘅體質唔同，但係咁嘅情況底下，都會感覺到筋疲力盡，而且係判斷力同視力都會大大咁減弱......

敏：我唔會！

文：再加上你渴望被告人出現，咁你嘅判斷力就會更加錯誤，你會當其他人都係被告！

敏：唔係，我無判斷錯誤！

文：你第一眼見到疑犯嘅時候，佢離你幾遠？

敏：40 公尺！

文：點解咁肯定？

敏：憑我嘅經驗！

文：我想問你，你哋警方監視人嘅時候，係咪通常都會匿埋係D唔容易比人發覺嘅地方？

敏：係！

文：咁即係話，你哋會匿埋係D比你地監視嘅人唔能夠直接望到你哋嘅地方？

敏：係！

文：比你哋監視嘅人唔能夠直接望到你哋，即係話你哋唔能夠望到你哋嘅監視人，換句話講，你只能夠見到每個係果度出入嘅人側面或者背面？

文：而且當時環境咁暗，唔好講佢哋嘅容貌，就算佢哋嘅衣著，你哋都唔係咁容易睇得清楚？

敏：我可以好肯定，我當時睇得好清楚！

文：咁當你見到你哋認為係疑凶嘅時候，係咪一直都追住佢，你哋嘅視線從來都無離開過佢？

敏欲辯無從！

文：據我所知，當你發現疑凶嘅時候，你同佢係有一段距離，而且喺你追佢嘅路程上，係非常之陰暗，而且有好多彎角，你可唔可以肯定話比我知，喺當時，喺同一笪地方，係無其他人出現？而且你又可唔可以話比我知，你所追果個人，同之後所捉果個人係同一個人？

文走到法官面前：法官大人，我想做一個顏色嘅試驗。

法官：批准。

文：庭警，唔該熄一熄燈。

文：舒督察，請問而家係乜嘢色呢？

敏：黃色！

文：而家係乜嘢顏色呢？

敏：紅色！

文：請問而家又係乜嘢顏色呢？

敏：藍色！

文：而家係乜嘢色呢？

敏：白色！

文：唔該庭警。法官大人，各位陪審員，其實呢塊板係白色，不過當黃燈射落去嘅時候，就會變成黃色；紅燈射落去嘅時候，就會變成紅色……舒督察，我想請問你一聲，當日你見到疑凶所著嘅衫係乜嘢顏色嘅呢？

敏望向汪熾華後，無奈的回答：黃色！

文：事發現場嘅街燈係黃色，任何白色嘅衣物喺當時環境裡面都會被誤認為黃色，所以你見到被告著住黃色衫喺附近出現嘅時候，你就好容誤認佢係疑凶，會唔會呀？

敏：唔會！呢D係你無根據嘅假設！

文：但係據我所知，你哋係遞捕被告果個時候，原先果個人曾經消失過，咁即係話，當你哋再見到第二個人嘅時候，就會好容易誤認佢係原先果個人！

敏：唔係呀！

文：而家喺法庭咁光嘅環境裡面，你都會認錯，何況當時環境係咁暗。而且你哋距離咁遠，你哋更加容易出錯，而且最重要嘅就係，你同你嘅同事追捕疑凶嘅時候，根本未曾見過疑凶嘅正面同埋側面。所以追追吓嘅時候，極可能追左第二個人而拉錯左被告去！

敏：我唔係！

控方律師：法官大人，我反對，辯方律師憑空想像作一次假設性嘅判斷！

法官：反對無效，辯方繼續。

文：而且喺死者身上面，並無被告劉仲彪任何指紋同埋任何纖維。佢所著嘅衫，通街都有得賣，而佢係中等身材，呢種身材著呢種衫嘅人好多，所以我認為你地極可能係拉錯咗人！

法官：經過陪審員退庭商議之後，本席宣判：劉仲彪，謀殺罪名不成立，當庭釋放！

來到法庭外面，文行色匆匆的。

路人：倪律師，倪律師，你最近表現真係好啦，我單單case都有聽審。

文：我都係盡力啫。

路人：倪律師，你下星期單錢債案，我都會去聽，拜拜。

華：喂，沙皮狗，你好嘢，咁都比你打得甩。

jstclili

楼主，怎么只有片断一啊

waiwai

你不要以為只幾分鐘的片斷，做起來可要花多十倍的時間呀！今天好累啦，明天繼續。一定三個片斷都做足的，放心

ANITALOVER

又辛苦waiwai了,真的劳心劳力啊,不过不要累坏了哦.

彩衣素素

真是配佩waiwai的能耐....

tomroc

WAIWAI辛苦了！看到详细的文字介绍，真如电视重新回放！好期待你的继续也！

至愛米雪

waiwai真是辛苦你一个,幸福大家啊<虽然没幸福到我>

辛苦了

tomroc

难道你不是大家吗？什么叫“没幸福到我”？不明白也！

waiwai

至愛的意思是：她自己聽得懂廣東話，不用看我的翻譯，所以幸福沒有她的份兒！

廣東話是我的母語，替你們翻譯出來是沒有太大難度，只是要花時間來做。

但每次看《一代天驕》卻考起我了，看了多次，只是明白情節的大概，細節不甚了了。尤其是最後那兩場戲…虹虹寫下多情劍譜時和盈的談話；假死前和葉峰的深情對話…都不是太明白，有人可以替我翻譯嗎？

waiwai

片斷2：

偉：舒小姐，你唔係覺得我口花花吖嘛？

敏：唔係，你夠坦白啫。

偉：咁唔知我可唔可以同你做朋友呢？

敏：可以，梗係可以啦。我最鐘意人哋坦白、誠懇同埋有丰度嘅，不過可惜呀...

偉：可惜乜嘢？

敏：我最憎嘅就係律師！

鏡頭一轉，來到劍道館外，文與敏相遇。

文：舒小姐，我有D嘢想同你講。

敏：我同你無乜好講喎！

文：比個機會呢。

敏：我趕住返去喎！

文：咁我送你呀。

敏：你話送就送架嗱！

文：小姐，你上錯車喎！

敏：我上車呢，就有兩個原因：一，就係證明我唔係驚你；二，就係比個機會你。

去到郊外。

敏：沙皮狗，有乜嘢好快D講，唔好晒我時間呀。

文：其實我哋無乜深仇大恨啫，或者喺公事上，施法同執法係好難協調，我哋觀點會有D抵觸。

敏：施法同執法係互相制衡，點會有抵觸啫。

文：既然你明白，點解你仲要三番四次咁樣嚟針對我呀？

敏：果個人渣一大疊案底，強姦、爆格、打劫、走粉乜都做齊。

文：佢以前嘅案底，唔等於佢而家殺咗人。

敏：好，咁我問你，你相唔相信佢唔係凶手呀？

文：我從來都唔判斷果喎。我只係以律師身份來睇一件事啫。你應該明白，我律師嘅立場。

敏：係，站喺你哋律師嘅立場，淨係識得收談話費、律師費。喺法庭果度指東指西，打贏打輸你哋都無影響架，D錢一樣袋袋平安嘅！

文：舒小姐，我真係唔相信，呢D說話會出自一個受過教育嘅高級督察嘅口裡面。唔怪之得你會公報私仇，搵我嚟出氣啦，你唔覺得你咁做好過份嘅咩？

敏：過份？過份得過你，幫D人渣打官司，過份得過你包庇D殺人犯！

文：你唔好唔記得，我哋住喺法治之區，我哋呢個社會，任何嘢都講法律嘅！

敏：我哋咁辛苦拉個殺人犯番嚟，比你喺法庭上亂嗡幾句，就乜嘢罪都打甩晒。呢D唔係叫法律，係縱容佢哋犯罪！

文：你有足夠嘅證據咩？法律唔係等如你以為就可以，你都係警務人員，你都懂得法律，香港法律精神就係寧縱無枉！

敏：你唔好手指指呀！

文：你呈堂嘅証供有疑點、証據不足，你可以入人罪咩？

敏忍不住打了文肚子一搥：咁有無証據証明我打過你呀？無人證又驗唔到傷，唔等於我無打你呀……我已經好細力架啦！