2018-05-28 「港劇如何再創高峯？」專業講座

flora

hkdi.peec【 愛港劇 • 愛香港 】

陳寶華 X HKDI 「港劇如何再創高峯」分享會非常成功！感謝寶華姐的豐富經驗分享，以及一眾令人驚喜的實力派演員及著名導演互動，將場內氣氛推上高峰。
發揮了香港的專業精神，讓港劇再創高峰！

flora

H-E-J-N-O-M <=> 芒姐再現
Like This Page · Yesterday ·

喂，估唔到 #陳寶華 呢個talk幾好聽喎⋯本來放工好鬼趕諗住唔去，好彩最尾都碌咗去，否則真係走寶！仲要有咁多嘉賓，又 #黃浩然、又 #洪永城、又 #唐文龍、又 #米雪、又 #麥當傑⋯巧星光熠熠！同埋寶華姐講嘢原來幾好笑，難怪佢可以寫到咁多經典劇！

flora

思想。隨筆
22 hrs ·
不枉自己今日專心工作兼超級罕有地準時收工，趕過去 Hong Kong Design Institute．PEEC 出席今晚(5月28日)舉行的《港劇如何再創高峯？》講座。不僅有金牌編劇陳寶華小姐(寶華姐)主講，還有不少嘉賓出席: 包括 米雪 Michelle Yim 姐姐(自己與家母偶像)、洪永城Tony的地球、唐文龍 Michael Tong、黃浩然 Raymond Wong及著名導演麥當傑。
除了講以前和現今的港劇情況，亦有講到米雪姐姐為了演好古裝做唔少功課、為何當時只得20歲的麥當傑可以做導演、唐文龍、黃浩然和洪永城如何入電視圈拍劇等等。最後答問環節解答了不少出席人士的問題，自己亦有幸被抽中由寶華姐解答問題。
由於處理資料和筆錄需時，將稍後時間才刊出有關講座精要，不便之處請多多包涵及見諒。
又，明晚又要瘋狂加班呀！

flora

唐文龍、米雪

flora

方以文 睇電視喇喂Like Page

[陳寶華][港劇如何再創高峰？] 今晚 Hong Kong Design Institute．PEEC舉辦咗一個由叫做《港劇如何再創高峰？》嘅講座，由金牌編劇陳寶華主講，仲有麥當傑、米雪、唐文龍、黃浩然、洪永城做嘉賓一齊上台chit-chat，講真嘉賓嘅崗位唔同，所以分享嘅範疇比較分散。不過都有嘢袋落袋。去到發問環節，有位影視blogger提問，問寶華姐港劇對比起其他地方作品題材比較單元嘅原因。
寶華姐話：「我相信好多人都有好多concept係好嘅，但係你要去同投資者講，投資者buy，係好少。未必係你個concept唔好，而係個巿道、rating嘅壓力、資金嘅壓力，胎死腹中嘅大有人在。所以我成日都講要天時、地利、人和，聽完你條橋，畀唔畀你過，可能你係個講橋好叻嘅人，但你說唔說服到人投資畀你，重要係命運。」寶華姐以1990年嘅經典作品《我本善良》為例。

「好高收視、到依家喺內地佢哋都好鍾意嘅《我本善良》，當年係一線之差，就畀人槍斃咗。如果你有睇過我嘅訪問，係最後尾叫我出嗰房嘅時候，李沛權行入嚟，問邊個今日賣橋。」李沛權係時任無綫製作部總監，佢行入嚟問條橋唔好咩？有人就話條橋好偏鋒。「李沛權就問有幾偏鋒呀，講嚟聽吓，畀五分鐘我。我用五分鐘，我唔理李兆華（按：《我本善良》監製）拉住我衫尾走。唔識驚呀，得28歲，好快話畀佢知係一個咩嘅戲。之後李沛權，我唔知當佢係識得聽定係腎上腺高咗，話幾好呀呢條橋，好過淨係寫小子成長，然後佢講咗一句說話，好有皇者風範。」

寶華姐記得李沛權話：「我哋係TVB，係全東南亞最大嘅電視台，我哋有足夠嘅原因去試新嘢，我哋有足夠嘅本錢去畀佢試，支持佢啦。」不過有人話當時嘅寶華姐仲好新。「跟住佢就話，搵啲人跟下囉。佢就行咗出去。當時我就覺得，嘩好有型呀做高層。但我亦都提我自己，他朝我做高層嘅時候，我聽橋嘅時候，我放佢一條路，我封佢又係一條路。我相信有好多人封咗一啲好嘅戲，亦都有好多老闆去投資好嘅戲，形成咗好多嘅嘢，但依家我覺得，如果我哋幫老闆賺錢，我哋應該仲有好多好嘅作品。」

咁點先係一個好嘅編劇呢？寶華姐有以下見解：「影視製作係teamwork，係對好多人交待。你能夠成為一個值錢嘅從業員，你一定要對老闆嘅投資係有保障，演員將前途投資畀你，你要保佢哋投資落嚟係攞到好戲，對於佢嘅名聲係有所提高。對於觀眾，要話畀佢知，係值得嘥時間去睇嘅。我覺得咁樣先至為之一個好嘅作品。」作為觀眾聽到呢度好感動。

補充：《我本善良》係講黑社會頭目齊喬正（曾江 飾）養大咗警察蔣定邦（羅樂林 飾）個仔齊浩南（溫兆倫 飾），齊浩南長大咗就想殺咗蔣定邦保護個齊喬正，到最後尾先至去做佢認為善良嗰一面。

flora

■陳寶華(右三)獲洪永城、米雪、唐文龍、黃浩然、導演麥當傑等現身支持。
香港文匯報訊（記者 李思穎）最近回流香港接拍無綫劇集《多功能老婆》的金牌編劇陳寶華，前晚在香港知專設計學院舉行「港劇如何再創高峰？」的講座會，獲得洪永城、米雪、唐文龍、黃浩然、導演麥當傑等現身支持。

北上發展多年的寶華姐大讚港劇的專業性和浪漫性乃無人可比，對於港劇漸被韓劇和內地劇集超越，寶華姐稱是得到自己政府的支持，再者香港編劇人才大減，現在很多年輕人只懂運用Whatsapp溝通，形成文字功力退步，說話變得含糊不清，最大問題是港人不像內地和韓國般熱愛本地文化，總不能帶頭唱衰，大家齊心很重要。

唐文龍有段時間毅然北上發展，他大嘆當時要經歷無人脈、無背景、無單位，曾經說過給予自己3年時間要接到劇拍，奈何未能如願，笑言要去寶華姐屋企黐飲花膠湯！麥當傑亦有分享拍攝《停不了的愛》在旺角追殺劉德華的大場面，他回味當時動用7部攝影機，28個鏡頭，更要同華仔在深夜時間綵排先迅速完成。

寶華姐透露在內地工作時試過被拖數，幸而她有積蓄可捱過這些日子，問她會否多接港劇？她謂：「要視乎《多功能老婆》的反應和內地工作能否放下，為了拍《多》劇已延遲了兩個內地劇本。」今次回來拍攝，寶華姐大嘆租用實景場地的費用昂貴，有些租一小時要3千元，單日要5萬元，所以拍攝時要很精準。

洪永城在台上自爆由主持轉做演員，接拍的第一部劇《單變雙城》，因壓力太大，出現禿頭現象，幸得髮型師的生髮水補救，令情況有所改善，他笑言：「拍攝《多》劇時經常被寶華姐窒，做了她的『出氣袋』。」寶華姐即笑說：「比起珊姐（余詠珊），我算得咩呀？」繼而大讚洪永城是無綫唯一有戲感及節奏感的演員，口才又好，洪便「回禮」指《多》劇是加入無綫拍劇，遇上最好的劇本，一隻字對白都不敢改，十分搞笑。
http://paper.wenweipo.com/2018/05/30/EN1805300004.htm

flora

flora

flora

flora

【馮仁昭四圍超】選角及配音致命傷
陳寶華狠批《衛斯理》雙輸

■陳寶華前晚去演講，搵埋洪永城、黃浩然同唐文龍等嚟撐場。


曾創作《我本善良》、《真情》、《再見亦是老婆》、《妙手仁心2》同《十月初五的月光》等港劇嘅金牌編劇陳寶華，最近回巢無綫以總監製及總編審身份創作電視劇《多功能老婆》，連楊千嬅都因為佢答應重返無綫拍劇。而陳寶華前晚就喺將軍澳香港知專設計學院出席「港劇如何再創高峯？」主題講座，唐文龍、米雪、黃浩然、洪永城同麥當傑導演都有到場支持。不過成晚嘅內容就一味讚港劇喺內地點受歡迎，唔係好貼題。

■《冒險王衛斯理之支離人》喺內地俾網民勁插。劇照
■《冒險王衛斯理之支離人》喺內地俾網民勁插。劇照
洪永城受壓脫髮
陳寶華話內地劇近年冒起得好快，但佢認為內地作品欠缺專業性，佢又彈王晶搞嘅網劇《冒險王衛斯理之支離人》：「個古仔好好，但係啲女演員我都唔識，用配音變得冇戲，所以我覺得麻麻哋。」麥當傑就覺得劇本同演員都好，但最大件事係CG特效出咗問題。
跟住陳寶華又話睇好洪永城，大讚佢有喜感同節奏感。而洪永城之後接受訪問，講到甩頭髮問題，佢笑笑口講：「咪M字額嗰時，適應咗之後，知道點減壓，冇睇醫生，只係問髮型師意見。」
撰文：馮仁昭  https://hk.entertainment.appleda ... e/20180530/20405153