2017-02-16 《深宮計》馬國明連踩27.5小時 地獄通告破tvb最長工時紀錄

flora

在TVB拍劇眾所週知好辛苦的，拍攝時間長，有開工沒有收工，就算大家未曾在電視台做過，都聽過班小生花旦說開工開到28（零晨4：00）或者30（零晨6：00），外景加廠景拍攝12小時是基本，有時導演戲癮大發都會over一兩個鐘，一般拍到早上６點已經是極限。
不過今年無綫50週年，當然要大攪啦，重頭劇《深宮計》亦已開始趕製，台前幕後都好緊張，緊張到直頭忘記收工，昨晚（15日）更創下開台以來最長廠景拍攝時間，由中午12:00直踩至39:30（翌日下午3：30），劇組開足27.5小時，有邊位小生花旦參與這個狀舉，答案是馬國明和米雪，據知米雪不用「踩足」，拍攝幾場就收工，但馬明就踩足27.5小時。
雖然馬明日日開工十幾小時，但精神都不錯，你睇佢幾型仔。 雖然馬明日日開工十幾小時，但精神都不錯，你睇佢幾型仔。
據劇組人員透露，昨晚因為三大主角劉心悠、周秀娜、胡定欣都不用開工，所以劇組只集中拍攝馬國明的戲份，通告原本是15：00至27：00（零晨3：00），不過馬明好乖好專業，當日中午12：00已回公司化妝、梳好古裝髮型，著好戲服，為拍攝作好準備，但他又怎會想到拍攝是這麼漫長，為何劇組拍得這麼慢呢？因為這套劇太大投資，導演驚「孭鑊」，所以每拍一場戲都問總導演，總導演又問監製，之後再傳話回來，結果拍攝時間愈拖愈長，劇組亦由預定零晨三點，拖到去到下午三點半先收工，當中亦有放早餐及午餐時間，馬明亦趁這些時間「叉電」。


馬明生日亦有陳煒陪開工，但就好似冇黃心穎喎。 馬明生日亦有陳煒陪開工，但就好似冇黃心穎喎。
踩足27.5小時終於回家，馬明的WhatsApp狀態亦用了5個眼訓emoji表達，可見他相當疲累，或者馬明真的累到不懂睡覺，《香港01》見他還在綫才敢打擾WhatsApp訪問，但馬明只簡單回覆，對於連踩27.5小時，他說：「還好…….(三個沒好氣的emoji)」（點解咁長開工時間？）「唔講喇…..（再三個沒好氣的emoji）。」經過地獄廠期後，據知監製都恩准停工1日，算有良心啦！馬明搏命拍的《深宮計》，大家到時一定要支持下呀！
https://www.hk01.com/%E5%A8%9B%E ... 2%E7%B4%80%E9%8C%84