|
片斷4：
警察局的大房內：
文：媽…媽…
文母：阿文，唔好離開我，唔好離開我呀…
敏：博文？！
敏的辦公室內：
敏：點解你要瞞住我呀？其實你阿媽一直都喺香港，你就話比我聽，你阿媽喺大陸。我以為結咗婚之後，兩夫妻有乜嘢都可以講、乜嘢都可以坦白嫁啦，點知唔係！
文：我唔係唔想講。自從阿爸死咗之後，我阿媽受咗好大刺激，而且精神仲有D問題添，佢一直對差人都有好大成見，仲好反感添！頭先你見到喺外面嘅情形嫁啦，佢一見到差人就發晒茅。
敏：無論點呀，我都係你太太嚟嫁！咁大件事，你都唔講比我聽，如果今晚唔係發生呢單案呀，你係咪諗住要瞞我成世呀？
文：結婚之前，我唔敢講，因為驚你接受唔到。結咗婚之後，我又怕你話我一直瞞住你
文：我阿媽最怕就係差人，你知你係當差嘅，我又怕你接受唔到我阿媽，我又怕我阿媽接受唔到你。
敏：果個係你阿媽嚟嫁，我點會接受唔到佢啫？唔通我會嫌棄佢咩？唉，你屋企發生呢件事，你唔話比我聽，我咪仲唔安樂。
敏打電話：阿基，你入嚟呀。
基：Madam，搵我呀？
敏，今晚單case，上頭點講？
基：上頭交帶落，一定要依法起訴佢哋！
文：咁可唔可以保釋佢哋呀？
基：傅小姐可以保釋，但係果位老太就唔可以保釋。
敏：即刻送去醫院檢查。
基：Yes Madam！
敏：如果你阿媽檢查過，證實精神真係有問題嘅，我諗會無事嘅，你唔好咁擔心！
文：對唔住！
薇：文哥，伯母呢？
文：去咗睇醫生，我同你辦好手續，我哋走。
酒吧內：
華：唔好再飲啦，我諗你老公唔係有心呃你嘅，算啦。
敏：好奇怪，係法律，上夫妻當一個人，但佢偏偏當我係外人。
華：咁又唔可以咁講，佢可能有佢嘅苦衷呢。咁唔係代表佢唔愛你。
敏：我從來咩嘢事都無瞞佢，乜都講比佢聽，點解佢為咗呢件事，乜都唔講比我聽！
華：但係如果你一早知道佢有個咁嘅阿媽，驚住你唔肯嫁佢呀！
敏：點會呀，我咁鍾意佢，唔通為咗呢作事我會離開佢，何況從來我都無介意佢有個咁嘅阿媽。
華：係啫，但係一般人未必接受到呀嘛！
敏：有乜嘢事我未見過，接受唔到？！
華：咁可能外間知道咗之後，驚住影響你事業都未定呢？
敏：咁就更加無理由，果個佢阿媽嚟嫁，佢收埋得幾耐啫？
敏：竟然唔話比我聽，我係佢太太嚟嫁…
華：敏呀，算數啦！你老公真係好鍾意你。而家你乜嘢都唔好諗，疊埋心水考升級試仲好啦，吓？！ | 
只願一生愛一人，因你是獨有http://blog.sina.com.cn/catherinayim
發表於 2006-3-22 12:05
樓主
but I've seen this series only some part of them.
