2017-02-24佛都有火！黃智賢爆Seed鬧爆非常岳母

flora

驚慄大師名恐怖小說作家史提芬京（Stephen King）曾經講過，自己最怕嘅係：「蜘蛛、蛇……和我的岳母大人。」連驚慄大師都驚嘅嘢，可想而知岳母，係幾可怕嘅存在！無綫劇集《親親我好媽》被網民大讚劇情夠貼地，劇中飾演黃智賢位麻煩岳母嘅米雪，成功引起網民共鳴，《myTV SUPER》Facebook專頁就整咗條精華版，仲名命為《世上最難服侍的生物...岳母》，唔少男網友都話感同身受，好似案件重演一樣。


較早前網上一篇「公屋潮文」《女朋友帶你返屋企食飯》，簡單同未來岳母食飯已經有咁大難題，以為成功娶得美人歸，就一天都光晒？年青人，你太年輕了！婚後嘅相處先係終極BOSS，你睇米雪飾演嘅岳母有幾難湊，網民大讚米雪扮惡頂岳母夠晒逼真，佢喺劇中仲大講金句：「我真係後悔嫁個女畀你呀！」、「係你唔識得點對老婆好！」已婚嘅男士們可能或多或少都聽過類似嘅說話，不過唔知男士們又夠唔夠膽，好似黃智賢咁爆seed鬧番岳母呢？

片後中米雪不停嫌三嫌四，話黃智賢架車冷氣唔夠凍，中途架車死咗火，米雪更加金句盡出，大罵女婿：「個人又鈍鈍哋，架車就神神哋！」仲加多句「早知搭的士去，依家都同老鼠影緊相喇！」激到黃智賢彈起，最後仲爆seed話：「我錯晒！你哋兩個啱晒！」米雪當然有還擊，發惡鬧黃智賢「正一蠻牛！」黃智賢又駁嘴：「你係咪嫌我同老婆關係未夠惡劣，仲要踩多腳落井下石！」米雪同黃智賢一人一句，你來我往，網民睇到大叫過癮，話夠晒戲味，不過唔少已婚男士就留言話自己敢怒不敢言，有苦自己知，邊會話番個岳母咁話！

網民有話兒
Asxxxxxn：岳母…..我愛你
Texxxxxg：做人女婿唔易做呀！
Uixxxxxxb：米雪演技一流，我都想佢做我岳母
Raxxxxxw：黃智賢好man呀！
Eqxxxx14：老婆識做人好緊要！

岳母...岳母...
黃智賢佛都有火。黃智賢佛都有火。
米雪好正！米雪好正！
非常岳母。非常岳母。



http://hk.on.cc/hk/bkn/cnt/enter ... 0224_00862_001.html

至愛米雪

哈哈哈哈