2015-11-17 同焦媛演舞台劇 米雪洗腦式記台詞

flora

同焦媛演舞台劇　米雪洗腦式記台詞

【on.cc東網專訊】 藝人米雪與焦媛將於下月上演舞台劇，兩人接受吳綺莉主持的電台訪問時，吳綺莉坦言從小觀看米雪主演的劇集，封她為偶像：「好開心可以請到偶像做訪問。」
談及舞台劇，問二人可曾合作過？米雪說：「冇，只喺係電視台碰過面。」而吳綺莉即說：「掹唔到車邊。」米雪透露對今次演出有壓力：「因為得我同焦媛演，我仲係冇得休息，講足兩小時。」為記熟台詞，米雪用手機收錄排戲時的對白，採用「洗腦式」方法記憶：「入房、去廚房、出廳都開住手機係咁播。」
而焦媛形容今次合作是「互驚」：「感激米雪畀咗好多寶貴意見，由於我哋兩個都好忙，只要一有時間，兩個人都喺香港時，就會把握時間綵排。」

flora

做兩個鐘頭舞台劇 米雪要洗腦式背台詞

米雪同焦媛今日喺灣仔接受dbc數碼電台節目《越界傾情》訪問，主持人吳綺莉表示好開心訪問到偶像米雪，又指自己中學時期已經好鍾意睇米雪主演嘅劇集。

講到米雪同焦媛喺12月18至20日，假高山劇場主演3日4場嘅舞台劇《晚安，媽媽》，由於呢套劇得佢哋兩個演員，所以兩個鐘頭內，全部台詞都由佢哋負責，米雪表示要用洗腦式背台詞，焦媛話：「要好集中精神，一定要好熟，雪姐將所有台詞錄晒音，好似聽歌咁。」問到今次係咪最大挑戰﹖米雪謙稱：「就係同焦媛合作，佢日日都舞台劇，我就久唔久先玩一場，所以我有壓力。」






http://hk.apple.nextmedia.com/enews/realtime/20151117/54438202

至愛米雪

感謝感謝！！！我看她新照片是最愉悅的