米記雪韻

:::米雪 米記雪韻 — 米雪專屬論壇:::

 取回密碼
 註冊

QQ登錄

衹需一步,快速開始

搜尋
檢視: 1523|回覆: 0

2018-11-06【冇特技年代】劉天賜爆無綫、佳視爭拍金庸小說

[複製連結]

592

主題

3764

發表

7242

積分

版主

Rank: 8Rank: 8

積分
7242
發表於 2018-11-7 01:52 | 顯示全部樓層 |閱讀模式
【冇特技年代】劉天賜爆無綫、佳視爭拍金庸小說 杜琪峯用邵氏舊山扮真雪山

https://hk.entertainment.appleda ... e/20181106/58882574
前無綫高層劉天賜(賜官)昨晚主持香港電台第一台《講東講西》節目,大爆當年無綫與佳藝電視爭拍金庸武俠小說劇集內情。

佳視1976年首次播出金庸武俠劇集、由白彪和米雪主演的《射鵰英雄傳》,無綫隨即於同年開拍鄭少秋、汪明荃主演的《書劍恩仇錄》。說到當年無綫跟風買金庸作品拍劇原因,賜官說:「係鄧偉雄(另一前無綫高層)去買,因為佳視買咗3套,76年開始拍3套,《神鵰》、《射鵰》,同埋文雪兒反串做嘅《鹿鼎記》,當第一套出現,白彪做郭靖,木口木面,米雪做俏黃蓉,真係好俏嘅,米雪本身係一個好俏嘅人,果然收得。」

賜官續說:「有句說話梁淑怡當時聽到覺得好『哽』,『佳視台執武俠片之牛耳』,梁淑怡讀番書,唔係好明,咁我哋大家就解佢聽啦,哦,即係話佢(佳視)最好啦,佢(梁淑怡)條氣就唔係好順,叫我哋寫武俠片,我哋話最好買,如果當日佳視買晒,無綫3年都唔使做,但當時(佳視)冇咁毒,有條漏罅去咗清裝,叫做《書劍恩仇錄》,搵鄭少秋做。」

賜官指當年秋官主演及唱《書劍》主題曲:「主題曲又有一個故事喎,顧嘉輝作曲,佳視嗰兩首主題曲呢(《射鵰》和《神鵰》),原來黃霑同佢哋寫詞,佢用一個假名(劉傑),我唔知佢同無綫係咪有約,所以冇用到真名,蕭笙做監製,梁淑怡好叻,搵咗亞洲電影節最佳導演王天林執掌(拍無綫《書劍》)。」

賜官指無綫當年拍《書劍》全台出動拍攝:「3個花旦出晒,汪明荃、黃淑儀、李司棋,用一個新人余安安做香香公主,仲有伍衛國、黃元申、朱江、夏雨、關海山、石堅,全部都係大卡士,總之全台動員,我記得我第一次見金庸,係開鏡嗰日,咁多人喺邊度影呢?就喺橋底,嗰度爛地,嗰次我第一次見到金庸,偶像喎,開心到震啦,幾晚都瞓唔着,從此就結交咗咁樣一個朋友啦。」

蕭笙為佳視拍《雪山飛狐》,王天林亦為無綫開拍《雪山飛狐》,賜官說:「我記得有次王天林同我講想拍《飛狐外傳》,話:『當年蕭笙領隊去尼泊爾拍,我又去呀。』但我話好似冇咁多budget喎,佢話我拍唔到雪崩,我話我買畀你,買都買到雪崩片段畀你,佢話咁都唔係好好,我點樣拍到個雪山呢?我話我諗諗聽日答你。我聽日走去打個價,究竟噴白咗邵氏個舊山要幾多錢呢?同埋車幾十箱發泡膠粒,都係平過成隊人去尼泊爾,同埋仲要買保險喎,仲要阻時間喎,杜琪峯就喺嗰度拍雪山,但拍出嚟唔覺嘅,嗰時佢未紅,但已經表露出佢功力,叻仔嚟嘅,大家睇起佢。但呢位仁兄冇乜讀書,英雄莫問出處吖,但真係聰明,真係伶俐,同埋一開竅就掂,唔開竅就嘈冤巴閉,百厭仔。」

賜官表示有次跟金庸食飯時撞板,他說:「同金庸食飯時,我話自己睇晒啲書後做晒筆記,將佢小說啲人名、地名、功夫名做晒來由考證,裡邊歷史事實做一個考證,佢好敏感,即刻話:『天賜兄,我寫呢啲好匆忙,因為日日要交稿,好多嘢冇考證過,所以請你多多海量汪涵。』咁我一聽就知佢叫我唔好寫,我即刻面都紅晒,講唔到說話。」
你需要登入後才可以回覆 登入 | 註冊

本版積分規則

米記雪韻 - 米雪專屬網站與論壇

GMT+8, 2024-3-29 22:14

Powered by Discuz! X3.4

Copyright © 2003-2021 MichelleYim.com

快速回覆 返回頂端 返回清單